American CIA te Israel hae kalan byaru a hopya hae cite Iran paw lu kheit tuh inkhawnin July 20, 2020 nin kya Iran accozah nynh phe chia hae.
Iran ram accozah te asekuhpaw bya miakaw American CIA hae kalan te Israel hae kalan thongpang zyazya a hopya hae keiccu nynh kae chia cite Iran accozah nynh a ho.
Mahmoud Mousavi Majd hynh Iran rawbawipaw American nynh a chia lya hae zemah pawkya nynh ung cipaw American hae kalan a thaesah keiccu hae nynh Iran rawbawipaw tuh a chi” cite bua a ho hae.
“Nyathya tuh phua patae yn pya hae” cite zemah Iran accozah kya bya akingkuh keiccuze kae chia cite Iran accozah tazazei thana winci Kolan Husein nynh a ho.
Iran accozah nynh tuhte a hopaw hynh nainngiazei ccama hae nynh tuh zyn khyh hae. Mih tuanaw te nynh a theih cih hae cite a ho hae.
Inkhaw kum December saw kyaze Iran accozah nynh hynte a ho, “CIA hae te aruh lante a thaekuh hae paw Iram minphuin lu (8) kae kyn hae” cite a ho. Te, 2019 July saw kyaze American CIA Group milu (17) kae kyn kho hae” cite aho ki hae paw nynh thua.
“Iran nynh CIA hae ;u (17) kae kyn hae a cipaw tuh a hynpaw nynh thua” cite American President Trump nynh a ho boi vaepaw nynnh thua.
Iran accozah atu lya a vaw myarya a saw vae. American nynh sipuazei a khawpya a piaze mihmaw mih rang lungkhu kya zemah mihmaw te mhmaw vawsawnaw myarya a tung hae.
Nin khah kheit ccyh kya American hynh bua ciru kho nawlan Iran accozah nynh thawte azuakuh cciamangpaw nynh thua. Atu tuh American ci khonaw te tae khonaw thawzung hoi loh khyh hae zah mih lungkaw nynh rya a law cciamang hae.
#ZotungTubeChannel
Ref; The Time Of Israel
