Aug 28, 2023 nin Thantlang pe kya kawkumaw kya CDF te CNA rhawhooy hae lu (11) a chih hae.
Ccousei vae rhawkaw hae te a kawkunaw hae kyaze CNA rhawkaw (5), CDF-Thantlang (1), CDF- Hakha (1) te CDF-Zophei (4) mih hiinnaw a pyakuh hae.
Tuin kawkunaw kyaze aening Zotungpaw lu kheit thuapaw Paw Bo Bo San zemah khua te ram hanlan a hiinnaw a pyakuh bua. Amaw a khua tuh Ccawtui nynh thua. Amaw hynh CNA rhawkaw lu kheit nynh thua.
Ccousei vae rhawkaw hae zemah milu (37) chih hae zah vaemaw patae a mue hae. A chih hae paw rhawkaw hae te vaemaw mue hae paw rhawKaw hae hynh mawtaw te a phu hae paw kae muih, vaemaw mue hae paw hynh Hakhaw sizung kalan a cciakhae hae cite CNA hotu Thet Ni nynh RFA media byakhianaw kya a ho.
CDF te CNA hae hynhzeih a chi hae paw hynh maethe lepaw te vawzouinn kyate a kaw hae keiccu nynh patae a chi hae.
