President Biden lyaze Ukraine hanlan cite hluettaw nynh nyathya a tho pyapaw $177 Billion paw, phua tuh Ukraine kuih kya $75 Billion makhae nynh athua.
“USA accozah ccazin kya $177 Billion kae pya cite ccazin kya a langsahkuh hae, thuasalamah ka kya kya $75 Billion makhae nynh yn thua, $100 billion laepaw phua hynh pawkya nynh um cipaw ka nyh khyh” cite Ukraine President Zelensky nynh media interview kya a ho.
Tuhte Ukraine President Zelensky nynh a ho koute Biden te Democratic party hae kya ccungccaw pataepi nynh a zyn khyhnaw hae houh ale.
“Tuhzeih phua tuh pawkyamou aum? cipaw aro mawze President Trump accozah nynh yn sisei cih hae.
Biden lyaze Ukraine hanlan cite bawmnaw avaelu patae a pya he hae. Tuhzeih bawmnaw miakaw balayn hynh Ukraine kuih kya athua ccaaccing tou cipaw zemah ccungccaw hae thinlung kya zyn leinaw houh langkuh vae.
Biden te Democratic lupi hae nynh tou a aekuh hae cite ccungccaw hae nynh atulya thawte a voiphan hae.
