USA President Trump nynh kawpya zah atunin kya ISIS lupipaw te a ccungccaw hae aban tuh phe chia kho hae.
American te ccangpaw ram mahameih hae thuasah furaw te palei a nung hae keiccuze Somalia ram kya nyathya um vae hae paw laekaw kya a rekuh hae paw ISIS tuh Trump nynh kawpya hae zah a umnaw hae tuh bom te kaw hae zah ISIS lupipaw te aban pakheih a chih hae.
Hynh-e hae chia khylan hynh American rhawkaw nynh khawte paccynkuh hae salamah Biden te a kuihkaw e hae nynh hooyte ryalaw khyh hae keeiccuze akum saepi chia lei haesya arokhaekuh hae.
President rynpaw Obama kawlya ze ISIS hae nynh ccungccaw patae theih hae zah laephipi balyn nynh ri te a um hae. Thuasalamah President Trump 2017 te 2020 kum kya lungkhu ISIS hae tuh a dou hae. ISIS hae mah Trump kuihkaw kya dae te dae hae. Biden he yn kae te ISIS hae nynh ccungccaw patae bua a chia vae hae.
“Kaening American ram te mahameih hae dou lan cite a paccynkuh hae paw miakaw pawpawkya na um oh zemah na lue lan khyh oh, kae muih nin kae chia nin” cite President trump nynh ISIS a chia hae koute a ho.
Zotung Tube News
