Vaeram thuasah ramccang thuasah teitei na um oh zemah rhawkaw nynh ccangsahpaw min ccazin kya a min umpaw miakaw tuh Vaeram lang ki te rhawkaw lang tee athua cih.
“Tukeiccuze teitei ram kya na um zemah na umnaw ram kyate nae ki cih oh, min na papaw nynh namaw ccaccei na thua khyh ze na innbyn hae kynkuh athua cih” cite Jan 23, 2025 nin kyate SAC rhawkaw hae nynh kaw atho hae.
Atu lya hynh vaeram pynpi te tawhlanzei dou ccyh athua thyh hawte SAC rhawkaw nynh rangzae (mihpi) hynh rhawkaw lang kyn biate tee ry, tee ry khyh zemah a teesah de hae.
Tukeiccuze kum (18) te kum (35) beihpaw miakaw tuh ramccang lang ccue athua. Atu e athawpaw SAC rhawkaw nynh kaw atho koute Thailand kalang a ccuepaw hynh nin takyh te a ccue hae.
Thailand kalang hynh nin thum lungkhu kya Vae ccungccaw milu (195) tuh Truck mawtaw te a ccue hae paw tuh Thai Palih hae nynh a kyn hae.
Leizin te zemah pou lan zae khyh, thaw mawte a sisei hae. Athaw tho hae paw upadi hynh nopi, pise ngawphue hae miakaw tuh SAC nynh a thopaw upadi tuh a ry khyh hae keiccuze anae huanaw Thai ram kalang nin ta takyh te a ccue hae.
Tuhte upadi thawpaw a tho kou hae paw ramccang thua hae paw mih ccaaw hae tuh min ccacin kya a papaw innbyn hae tuh myarya rih hae zah innbyn balyn mawte ccue lan cite a paccynkuhpaw zemah patae a um hae.
Zotung Tube Channel
