Spread the love
  •  
  •  
  •  
  •  
  •  

Home Zotung Elon Musk nynh Twitter a re koute Twitter CEO paw te CFO...

Elon Musk nynh Twitter a re koute Twitter CEO paw te CFO paw tuh daethui lan a de hae.

Spread the love
  •  
  •  
  •  
  •  
  •  

Laephi vawlang kyaze a hoirum huaccepaw Elon Musk nynh Twitter tuh $44B te thohpae lan are vae.

Inkhawnin ccaccung ninpalinin kya kuih singkuhnawpaw akua ccynkuhte Twitter company kalan a tee vae.

Company kalan he ate takaw mawte Twitter kyaze CEO athua hae paw Parag Agrawall te Vijaya Gadde te ccangpaw uktu a le hae paw tuh mih ryalaw kyate vaeleih a phua hae. A phuanaw hae paw tuh ahmepaw bya yn hopah khyh hae cite a de hae paw nynh thua.

Parag Agrawal

Anuhlang May saw kyakhe rekuh lan cite hokuh hae salazema Elon kalan te phe a seisah. A seisahnawpaw tuh Spam account (Seh te raepaw account) kya ahme leite a phei hae keiccu nynh thua.

Elon nynh Twitter hynh amaw a hoipaw lan a tang vae tetuh Tiwtter company nynh a khawpya hae paw Trump te ccaccangpaw account balyn bua yn hungpahthui vae cih hae cite a ho hae hawte Elon nynh mah Hynh-e hae hynh ka hungpya ry hae” cite a ho.

Trump nynh tuh “Elon nynh Twitter a repaw elang lung myarya ka tuakhae, Twitter tuh ccungccaw hooylei hae paw kuih kyate ccungccaw hooy hae paw kuih kalan phe thua vae, thuasalama Twitter ka mang ry loh khyh, kamaw ka hoipaw Trust Social mang ka hoibua vae” cite a ho.

Atu hawte Elon nynh Twitter a repaw hynh Democratic hae phu nynh mazi ry khyh hae. Re lan a ci lyaze mih thin myarya phangpaw nynh thua. Pawccecize Twitter te Facebook hynh Democrati thawpya hae paw thua zah minmin te ccianaw a lokuh lei hae paw account tuh marya leih a khawpyathya hae paw nynh thua.

“Elon nynh Twitter a re vae keiccuze mihrum hae takua Twitter kya phua atee khyh nawlan video kyawngia tee lei lan vae” cite a hyykuh hae paw phu mah patae a um ki.

Twitter hoitu lan yn tang thawpaw Elon nynh ‘Twitter ka repaw hynh phua muenaw elan abapi thua khyh, Laephi vawlang um hae paw ccungccaw miakaw tuh ahmepaw ccianaw te bya rythyh hokuh, thaekuh khyh nawlan cite ka tuapaw te nynh ka re” cite inkhawnin kya bua a ho.

Twitter a min zemah “Chief Twit” cite phe a rubi vae. Asuilang tuh “Pavaw phe lue vae” cinawpaw nynh thua.

#ZotungTubeTimes

Today: 18 Total: 263684
Facebook Comments


Spread the love
  •  
  •  
  •  
  •  
  •  

Most Popular

Thantlang khua kya kawkunaw kya CDF/CNA hae lu (11) a chih hae

Aug 28, 2023 nin Thantlang pe kya kawkumaw kya CDF te CNA rhawhooy hae lu (11) a chih hae.Ccousei vae rhawkaw hae te a...

Vice Presidentpaw Henry Van Thoi tuh NLD nynh Party thuanaw kyate phe a de hae

Anuhlang saw kya "vae rhawkaw hae nynh tuapaw Pinlung meetingpi kya kaebua te mee a sanbua keiccuze NLD Pary kyate zekhanin kya phe a...

Youtube minthaan nynh a sahkheihnung phe a chia

YouTube kya Ang hyng lante a min myarya thaanpaw Daniel Sancho Bronchalo nynh a sahkheihnung thuapaw Dr Edwin Arrieta Arteaga tuh ccezung te pyn...

Zotung CDF hae nynh anuh lan lonaw kya Ccungsung paw a bua hae paw.

Zotung CDF hae nynh “ahooyte raeringkuhnaw kae pya zah bua kae saw” cite ccaw a tho hae paw nynh thua. Thuasalama e sahkhung muihkuh...

Recent Comments

Facebook Comments

Spread the love
  •  
  •  
  •  
  •  
  •