Vae rhawkaw nynh Kawkhyanaw alua hae keiccuze ryleinaw thawte a siakhaebuapaw hlawsahthya POPO tuh kynbua hae zah atunin October 28 nin kya phe yn saw vae hae.
POPO hynh kum (1) sah (6) thong a saw kou hae te atu hawte bua yn luepaw nynh thua. Pawkeiccu hynh bua yn luesah hae cipaw tuh kae nyh loh khyh cite a vaeccaw hae kyate a ho hae.
Hlawsahthya POPO hynh inkhawnin kum April nin te kyn hae zah pohmah 505 te tazaeccoi hae zah kum (3) thongccaw lante amint chiah hae paw nynh thua.
505 Pohma hynh kawkhyanaw a lue kou hae te Feb 14 nin kyate kawbya a soi hae paw nynh thua. Tuh-e kawbya te a kyn hae paw nynh thua.
Ccangpaw mincca hae te minccamii hae pakheih tuh thong kyate a sawnaw hae khaw asaw vae. Thuasalama POPO hynh asae hua lante thonginn kya a nung hae paw nynh thua.
#ZotungTubeTimes
