American California state kya ccungccaw lu kheitpaw nynh palihpaw a lu kya maethe te a kaw. Thuasalama a ve hooy zah me chih khyh.
Atu maethe te a kaw hae paw hynh anuhlang lonaw palih lu ning hae a chia hae paw te akynkuh vema cipaw nyh lohkhyh hae zah atu lya a sisei cciamang ung hae.
Palihpaw tuh palih sankhang kya thanlangaw king kya a ungpaw thua zah sakhang anuh lante nynh a kaw cite palih hae nynh a ho hae.
Atu lya American pynpi kya tuh George Floyd a chia sei haenaw kyate ngeraw ngeman laesahkuhnaw a ung cite sandah thawte a pia hae. Tuin kyaze Democratic hae nynh a pankhaw hae keiccuze atu lya ngeman hae tuh mih thaw laete houh sae vae.
Inkhawnin palihpaw a kawtupaw cite a tua hae paw a sakhung te a langsahkuh hae. Atu ryacia kyn kho loh khyh hae phe lue. A sang a nua, a mungming asae cite sakhung te a taw hae.
Palih hae hanlan thawzya nawlan tang zah ngeman hae hanlan thawmuin nawlan nynh houh tang vae. Atu te tuh palih hae hynh nin takyh cihawte yn chia lan hae paw hynh naing-ngai-zei ccama hae tuh mih thin myarya phang vae hae. Ngeman hae nynh akhuihnazei lan yn lawkuh vae cih hae.
Sandah a pia hae lungkhu kya palih hae a chih hae paw hynh milu (5-6) a cih vae cite news kya a zei hae. Palih nynh a ci khonaw a thaw yn zya ze aening hanlan mah thinpang lan myarya ungpaw nynh thua.
#ZotungTubeChannel
