Myitha Myone kya accozah kyate kaw pyanaw um lei te puinin poi a tuakuh keiccuze atu hawte kaw hoitu hae nynh tazae a ccoinaw hae paw athua.
Dec 3 nin zete suimihlang 6 kya Myitha myo kya um hae paw Ma Pyit Pyit Phyo kum (11) puinin hanlan cite Chiank K Ko tuh hlawsah lante a kokuh hae.
Khoh king lang leikua kya mandah dawkuh te poi tuakuh hae zah khuazi 9pm ryacia a tuakuh hae paw video zemah Chaink K Ko fb live kyate a saw hae paw zemah ccaekia lante a muih hae.
Atu lya hynh Covid myarya ru lya athua keiccuze poi miakaw tuh accozah nynh a khepaw thua zah pawpaw poi zemah accozah kyate khue lawkuh ty aho.
Chaink K Ko hynh Myanmar Idol kya Asokyaw Myanmar Pyi Thein Than nynh Belaw a pyanaw kyate min yn thang buapaw lu kheit athua. Tuh-e a min a thangpaw tuh mah hlawsah thya lante a thangpaw kha thualeite nuinthua lante a min yn thnagpaw nynh thua.
Atu e tazae a ccoinaw hae paw kawbya hynh azyahua kum (2) thongccaw lanpaw kawbya nynh thua. A tawkuh kho hae ze a lue cih. Tuhkhyhze kum (2) tuh thonginn kya hung um lanpaw vae.
Chaink K Ko hynh atu lya a pariccah phe beih bua vaepaw nynh thua. Aening Zotung hae mah Chaink K Ko pariccah patae ah umbua oh paw nynh thua. LOL
#ZotungTubeChannel
