American president lungkhu kyaze “Ale huaccepaw president lu kheit” (‘သမိုင်းတွင်အကြီးမြတ်ဆုံးသမ္မတတစ်ဦး) cite phu-e tahnaw khylan “Donald Trump Day” cite aninsaw nungpya lan accang cite Jon Cross te Reggie Stoltzfus hae nynh a ngia hae.
Trump hynh ccangpaw president hae laeze American mipi hanlan ryalaw a lah kho huaccepaw te taenaw a mue huapaw lu kheit a thua keiccuze Trump a pui a puinin June 14 nin hynh “Donald Trump Day” nin cite nung hehe lan accang cite a ho hae.
Ohio state kya hynh milu 3,154,834 lae nynh Trump hynh ry hae zah vote a pya haenaw state nynh thua. “Trump nynh rya a law khonawpaw hynh aening nynh nawccawnawpaw langsakuh aho” cite hynh-e hluettaw hae nynh a ho hae.
Atu e a ngia hae paw hynh, Ohio GOP hae nynh byapaenaw oun hoi kho hae zetuh Trump tuh masaty lante president rynpaw hae lungkhu kyaze “Ale huaccepaw president lu kheit lante celebrate a nungpya ty hae paw president lan yn tang cih. Hynh-e hynh hohtuh hohtuh mah atu hawte a ngia boi lei hae paw nynh athua.
Oiho state GOP hae nynh zemah nawccawnaw oun hoipah mamin cih hae cite a ngaehoi hae. Trump nynh USA pynpi hanlan rya a lawpaw kha mih lungry athua khaekuhnawpaw nynh thua.
#ZTC
REF; The Sun News
