“American President tuh Joe Biden nynh a tae vae” cite hluettaw hae nynh bya pae vae hae.
Te, President Trump nynh zemah “atu e election konglang hynh ka naw mazi a ccaw khyh zemah Jan 20, 2021 nin kya tuh kou puithya lan accyh ka pya cih” cite a ho.
Te, hynh-e election konglang hynh ccaekia patae a um zemah ahmepaw aphi langkuh kho vae khyh zah ahmepaw aphi apounaw lan tuh pou ka zuakuh um cih, atuh hynhtuh atakaw nynh hung thua um” cite a ho.
Hynh-e Trump bya hynh Dan Scavino nynh Twitter kyate a zeipyapaw nynh thua.
Atu lya Twitter te Facebook nynh President Trump tuh suimilang 24 lungkhu ccaw zei khonaw a pya khyh hae keiccuze Dan Scavino yn zei pyapaw nynh thua.
Atuh kum tuh Democratic hae nynh atakaw te a paccynkuh nuathe hae paw tuh taenaw phe a mue vae hae.
Kum tamkyh te Trump tazaeccoi tua hae zah a tae kho vae khyh hae keiccuze atu e tarih hynh minmin hanlan nyathya taenaw nynh thua.
#ZTC
