Facebook te Twitter hae nynh President Trump tuh FB sisung a mang kho lei lan te a nungpya hae.
Twitter nynh suimilang 12 lungkhu a khawpya. FB nynh suimilang 24 a khawpya hae.
Atunin kya vae tuh FB a raetu Mark nynh FB kya hynhte a zei, President Trump hynh atu te malan zemah ahme leipaw bya pei yn zei mamin cih cipaw phe ria keiccu account hynh Jan 20, 2021 abiamaw ryacia tuh hungpya thua lan khyh cite atunin a ho.
Twitter nynh zemah “hohze ryacia nynh kae khawpah cih” cipaw nykuh kh lohkhyh, zungzae hanlan mah athua kho” cite bua a ci vae. Jan 20 abiamaw kya Trump nynh election houh yn zuakuh lanpaw te yn ho lanpaw hynh a ri hae keiccuze a khawpya hae paw nynh thua. Mimaw nynh tuh ahme leipaw bya aho cite a ho hae.
Social media kyaze ale huacce hae paw athua hae paw Facebook, Twitter hae te President Trump hynh Ui te Mia hawte myarya rawkuh hae paw nynh thua.
Taluh nynh a ho thyh vae hawte “President Trump tuh mazi ah kia kho khyh oh, Ccaccangpaw President hae tuh zoibaheih te ah kia kho oh” cite a ci hae hawte Twitter te Facebook nynh zemah mih rynaw hawte a hopah kho khyh hae keiccuze atu hawte detah hae paw nynh thua.
Te, President Trump hynh Democratic party hae nynh inkhawnin kya tuh Upadi kya a um thyh hawte 25TH Amendment te ryahae kyate sisung athuakhyhze ryahae phuabia ciate ho lan cite a ho vae hae.
Inkhawnin Trump thawpya hae paw nynh Hluettaw kalan a teenua kou hae te Republican abang hae te Democratic hae nynh mih thinria zah atu e hynh mang lan cite a siakhae hae. Minmin hanlan tuh laanpi ccangkheit thua.
President Trump Covid te a cci lya kyamah Democratic party hae nynh hynh-e 25TH Amendment te President Trump hynh haesah um lan cite anulang kum October saw kyaze mah a paccynkuh nua hae paw nynh thua.
Te, President Trump tuh ninthum te phe yn dan keiccuze a paccynkuh hae paw tuh phe bua sei. Atu hynh zemah hynh-e 25th te a ryahae bua a phua ry hae. 
Democratic hae konglang tuh ho zetuh ho ry um khyh. Kriccaaw hae nynh saw ah sang vae oh ze “Amen” cite ah ci oh paw khamah “men” makhae pa zah nopi pise laesahpaw nynh thua cih hae zah “Amen and A Woen’ cite a mang hae. “Amen” hynh mihraw bya cikuh hae tah ny lan um khyh.
Nyathya ka ho rypaw tuh Trump bua yn thua cih…
#ZTC
