A horynaw tuh “aro mawze American tuh kae tuh ru vae cih” cite a horynaw khah nynh athua.
American nynh Iran rawbawipaw Qasem Soleimani a chia hae paw tuh mazi rykuh khyh hae zah American hynh pawtemou kae cyiru kho cipaw hynh nin takyh te pei a zuakuh hae paw nynh thua.
Atunin Iran uktubawi hae a tungkuhnaw hae kya Hassan Rouhan nynh tuhte a hopaw nynh thua. Jan 3, 2020 kum kya American nynh Iran rawbawipaw a chianaw hae te atunin hynh kum (1) abianaw nynh thua.
Qasem Soleimani a ryalaw kya a latupaw rawkawbawi lu kheit nynh zemah “American hynh umtaw leite kae douru cih” cite bua a ho ki.
American nynh Iran rawbawipaw tuh paw keiccu nynh a chia cize American abang hae (mahameih) vawsaw pya te chia lan hae cite bya kawpyatupaw te abapi lan te a umpaw lu kheit athua keiccuze a chia hae paw nynh thua.
Dec 30, 2020 nin kyaze American B-52 Innzoupaw sak (2) hae tuh Iran ramkin lan vae (2), vae (3) ccia te a zou hae. Tuhte a zou hae paw tuh Iran hae raeringkunaw kae pya hae paw nynh athua cite American azasih lu kheitpaw nynh a ho.
Qasem Soleimani a chianaw hae te kum kheit bianaw arua paenaw kyaze Iran abang hae ram (6) hae kya-e uktubawi hae thuabua hae zah e konglang te a hokuh hae cite a ho hae.
American nynh Iran rawbawipaw a chianaw te kum kheit lungkhu kyamaw Israel nynh zemah Iran ram kyaze Nuclear pinngiashin lu kheit phe bua a chia ki hae.
Atu lya Iran tuh ih mah ih thya lei te a bung houhouh paw khaekuh vae.
#ZotungTubeChannel
Ref; DVB
