Chilean (Chile) President Sebastian Pinera tuh Selfie sakung tinkuh kou te $3500 a rungsah hae.
Pawcce President pipi detah hae cite mah ah tua kho oh. Pawccecize Mask nawkuh leite a um keiccuze kaw hoitu hae nynh de a tah hae paw nynh thua.
Anuhlang lonaw Ccaccung ninpangawnin kya nopinung lu kheit te rili tuiking kya selfie a khungkuh hae paw a tin koute a rungsah hae paw thua zah amaw nynh zemah luduh hae kalan a bohkuh hae.
“Rili tuiking kya kae ccia lyaze nopinung nynh sawkhungkuh lan yn hy lyaze mask nawkuh ccaccning lanpaw maw nynh athua, nawkuh leite ka um zei” cite a bokuh hae.
Chile ram kya mah ccungccaw zaepi nynh umnaw kya mask nawkuh khyhze detahnaw athuakhyhze thong ryacia ccaw lan ryacia, accozah nynh upadi ale lante kawtho hae paw nynh thua.
Chile ram hynh mah Covid-19 ccinaw myarya lungpaw thua zah atunin ryacia milu 581135 lae ccinaw kae hae zah milu 16051 a chih vae hae cite ny lan um.
Aening vaeram tuh lupi hae detahnaw a tung hae cipaw maw thae ban lan um khyh. Ram ccang hae tuh President ci um khyh, upadi a zui leipaw miakaw tuh upadi thyhte detah hung thua.
ႏွာေခါင္းစည္း တပ္ဆင္ထားျခင္းမရွိေသာ ဆယ္လ္ဖီဓာတ္ပုံတစ္ပုံကို တြစ္တာလူမႈကြန္ရက္၌တင္ကာ ကို႐ိုနာဗိုင္းရပ္စ္ စည္းမ်ဥ္းမ်ား ခ်ိဳးေဖာက္ခဲ့သည့္ ခ်ီလီသမၼတ ဆီဘတ္ရွန္ပင္နီရာအား ေဒၚလာ ၃၅၀၀ ဒဏ္႐ိုက္ခဲ့ေၾကာင္း သိရသည္။
#ZotungTubeChannel
Ref; CNN
