Inkhawnin Dec 08, 2020 nin te Texas state hae nynh State ccang (4) a thua hae paw Georgia, Pennsylvania, Michigan te Wisconsin state hae hynh tazae a ccoi vae hae. Texas state hynh USA State lungkhu kyaze ccang (2) naw ale huapaw state nynh athua.
Tuh-e state ccang (4) hae nynh “Hme rarih te mee ria hae sah, ahme te rya lah khyh hae, ahme te rya lah hae sah, Hynh-e state ccang (4) kya hynh President Trump nynh a tae cipaw phe a nykuhpaw nynh thua, Winci hae nynh pyaruh (လဘ်ပေး လဘ်ယူ) a lawkuh hae keiccu nynh hynhte a cyiku” cite tazae a ccoinaw hae paw nynh thua.
Texas state hynh Kriccaaw muihsaw lan te myarya a hangkuh thung hae paw nynh thua. Phinkheit lan te holanze ngaeangnaw te Pachia phu-enaw alangkuhnaw state nynh athua.
Tukoute atunin te vae tuh tuhlae hae paw state ccang (17) hae nynh zemah Texas state kalan tazae ccoinaw kya a pangbua vae hae. Atute malan mah tuhlae hae paw state hae mah oun pangbua kho hae cite thae lan a ung.
Democratic party hae nynh Biden nynh a tae cite ho hae zah Republican party hae nynh Trump nynh a tae cite a ho he hae. Pawpawte a ho hae zemah atunin ryacia Electoral College kawmati hae nynh a hung a tae cipaw ho loh khyh hae.
Atunin thongpang leih ah thae oh paw alunghua hynh dolanze Democratic lan te thawpya hae paw Media hae mawcci nynh thua. Te, Twitter te Facecbook company pipi hae nynh mah Biden kalan thaw a pya hae. Facebook company nyh Biden kalan $400 Million a bungbuapaw zemah atu tuh phe a nybia vae hae.
Tukeiccuze anuhlang lonaw kya Senate hluetttaw hae nynh Twitter CEO paw te Facebook CEO paw hae tuh bya khia te raeringkuhnaw a pya hae.
Atunin ryacia Trump nynh tuh kamaw nynh ka tae cite varyn a hokuh.. Cesare Sacchetti nynh Twitter kya hynhte bua a zei, Atu e election kya Trump mazi shung lan khyh, e konglang te a thin mah mazi phang khyh, malan kum (4) lungkhu rya bua yn lah ung cih” cite a zei. Tuhawte Biden nynh zemah malan hanlan ryalawnaw elang accyh miakaw tuh myarya soikuh de vae.
Hynhzeih state ccang (17) hae nynh USA Election tuh hme khyh cite alangsahkunaw hae paw nynh thua.
Kamaw tuh Trump nynh kum (4) bua yn tang um cih cite 100% kya 100% ka zyn. Atu lya Biden tuh a tbin myarya phangkhaekuh vae.
Aro mawze aphi yn pou vae cih zah January 20, 2021 kum kya tuh a hung President nynh byakingkunaw yn mang cih cipaw la ngaehoi oh sih.
#ZotungTubeChannel
