Mawtaw Sainke tire avoikuhpaw Mihcung
Hynh-e Mihcung hynh Indonesia ram kya 2016 kum kyaze vae (1) naw a muih kou haete zekhaning Dec 8, 2020 kum kya vae (2) naw bua a muih thui hae.
Atu e Micung konglang hynh laephi phynpi nynh zemah myarya a ny ry vae hae paw thongpang lan atang vae. Indonesia accozah nynh “Hynh-e Micung kya-e Sainke Tire a lawpya khopaw tuh myarya lepaw lasung kae pya cih” cite kyawngia hae salazemah atunin ryacia a hung ccungccaw nynh zemah lawpah kho loh khyh hae.
Mihcung kya-e Tire hynh lawpya kho khyh zetuh Mihcung hynh avaemaw ryte yn chih khaekuh vae cih cite Saring-aw do-oihtu hae tuh mih thin myarya a phang hae.
A pyn kya avoikuhpaw Tire nynh asaw hynh yn ae zetuh avaemaw ryte hung a chi khaekuh lanpaw nynh hung ung vae. Ccungccaw hae nynh a vua hae paw keiccuze hynh-e Mihcung tuh vawsaw a tungpaw nynh thua vae.
Ningkuhnawpaw si maethe te a kaw hae ze mang hooypaw ci lan nynh um. Thuasalama ccungccaw muihnaw kya eih langkuh khyh keiccuze a khung kho khyh hae paw nyh thua.
#ZotungTubeChannel
