Inkhawnin Friday nin Georgia state Tbilisi khua kya a min a nyhlei hae paw maethe kynpaw lu kheit nynh ccungccaw lu (9) hae tuh rulaekuh nawlan a kynkuh hae.
Tbilisi khua kya-e, phua rukunaw sain taraw kya rya a hae hae paw nynh thua hae. Tuh-e sain taraw tuh palih hae nynh ccavin a koilu hae cite a ho hae.
Tuh-e ccungccapaw tuh paw a rynaw te mah tuhzeih ccungccaw tuh a kyn hae cipaw a ny maw hae ze, lu (9) hae tuh phe bua a saw lalaw hae.
Anuhlang saw lya Georgia state ngaethae Zugdidi khua kyamah atu hawte maethe kynpaw nynh ccungccaw lu (43) kynkuh hae zah American phua ccing $500000 a ngiakuh hae.
Tuhte $500000 (ccing pangaw) paw tuh a pya kou hae te nynh ccungccaw lu (43) hae tuh a sawpya hae.
#ZotungTubeChannel
Ref: Reuters
Facebook Comments Box
