Taluh ram kyate American ram kalan ‘Paw mung, paw ccaci” cipaw ny leipaw ccaci phin hae ccabung te inn kalan patae leih a ky hae. Hynh-e amung hae nynh paw mung mou thua cipaw American accozah hae nynh nyh kho loh khyh hae zah nae khokhu kya mazi na ccokuh lan khyh oh cite American accozah nynh raeringkunaw a pya hae. 
Hynh-e amung hae hynh amaw nynh a tawkuhpaw thua leite amaw thua lan yn thua zetuh a khokhu kya hung ccoukuh lanpaw thua khyh. Nae khokhu kya na ccoukuh oh ze ri lan myarya umpaw mah athua kho cite accozah nynh a ho.
“Hynh-e amung hae hynh paw mung cipaw kae nyh loh khyh, American ram lungkhu kya hynh-e amung hynh ccokuh sei ze ccaccangpaw hanlan, yn ro sei lanpaw mazi ka ry khyh” cite Kentucky pine paw enawlinaw kawmasinpaw nynh CBS news kya a ho. Te, USDA hae nynh mah hynh-e amung hae hynh zekhanin ccaccung ninkheihtnin kya tuh American ram pakheih kya inn takyh kalan cihawte pong athua” cite a ho.
“Atu yn thuapaw amung hae hynh patae kae mue vae, hynh-e amung hae hyhh ri lan myarya umpaw tou thua cipaw kae sisei tua um, khokhu kya mah kae ccoutua cih zah aro mawze aphi ny yn thua cih” cite USDA hae nynh a ho hae. American accozah nynh mah “naemaw nynh na tawkuh lei oh paw te nae inn lan yn thua ze khokhu kya ccoukuh leite kaw hoitu hae kalan beih thaesahkheih oh” cite a ci hae.
Atu lya hynh Taluh te American hynh myarya a rawkuh hae paw thua zah aphinphin lante ram a rohnaw lanpaw hynh leih zuakuh hae paw nynh thua. Atu e ny leipaw amung hae hynh, Kentukey, New York, North Carolina, Maryland te Virginia state hae kalan hynh alunghua kou leih a ky hae cite accozah nynh a ho.
Hynh-e amung a ky henaw hae paw address hae hynhso, pawkya temou a mue hae cipaw dotua hae zah Amazon kya uccaw a tawkuhnaw hae paw, Address te nynh a ky he hae cite American accozah nynh a ho.
#ZotungTubeChannel
