Atu lonaw Zekhanin ccaccung ninkheitnin zete san kya Israel nynh Syria ram kya unghae paw Iran sakhang kaw zah Iran rawkaw lu (5) a chi hae keiccuze Iran tuh a bung myarya paw.
Tuhlya a kaw lyaze Iran rawkaw lu (5) chih zah lu (11) vaemaw a mue hae. Te, Syria rawkaw hae lu (7) mah vaemaw a mue hae. Israel te Iran hynh myarya a rawkuh hae paw ram ning hae nynh thua hae. Golan mua kyate Iran sakhang tuh a kawpaw nynh thua.
Israel nynh Iran sakhang a kaw keiccuze Iran nynh hynhte a ho, “Israel ram balyn pynpi mawte laephi ေ့မပံု (Map) kyate phe vae lan ka kaw ru cih” cite atunin Iran nynh a kyawngia vae.
1967 kum lya Israel te Syria tuhkuh hae zah naw kheit a tuhkuh kou hae te Syria nynh a hoipaw Golan mua tuh Isreal nynh phe lua kho zah atunin ryacia Israel nynh hoipaw lan pou ung vae.
Israel ram, tuh khylan cite ccaccang hae paw ram hae mah pong ka hopya vae hae cite bua a ho ki. Iran kalan zungzae a pangkhaw hae paw tuh China te Rusia nynh thua hae. Rusia te China tuh American te myarya a rawkuh hae paw ram hae nynh a thua hae.
Vyavya te mawcci leih kawkuh hae zah ccungccaw vawsawnaw a pya hae. Phe chih lan maw tuhkuhtua hae salah hooypaw. A hung nynh mah yn tae.
REF; Topmmnews
#ZotungTubeChannel
