American Houston, Texas khua kya-e China ကောင်စစ်ဝန်ရုံး tuh American accozah nynh a khawsah vae hae.
Pawkeiccumou a khawsah hae cizetuh China Consulate hae hynh zyn lan ung khyh hae ci keiccu hae ze a khawsah hae paw nynh thua. Nin (3) lungkhu kya na khaw cih oh cite zekhanin kya a mint a thopya vae hae paw nynh thua. Amint a thopyanaw hae te nin (3) a cihte inkhawnin tuh phe kawpya ccaccing vae hae.
American nynh “khaw ccavae oh” cite a takia kou hae te office lungkhu e azicipaw ccannaw hae tuh arang te maee te pong rua kou hae. Atu hawte China Consulate kya-e rya latu hae nynh maee te a soi hae paw ccanaw hae hynh do lan ze, zyn lan maw la ung mawrou khyh hae. 
“American nynh hynhte na ci oh paw hynh bua na rulae thui oh ze nynh ahooy cih, tuhkhyhzetuh American te China rawkuhnaw lan houh yn tang cih” cite China accozah nynh a fu ru ki hae. China ကောင်စစ်ဝန်ရုံး a khawpya hae keiccuze China ccungccaw hae hanlan myarya a rupaw nynh thua.
China accozah nynh “bua yn hung pah kheih oh” cite a ngiakuh hae. “Bua nae hungpya khyh oh zetuh upadi thyhte rya kae lah cih” cite a ci. China rang kya ungpaw American Consulate zung mah yn khawpya ru mamin cih hae cite a ho hae. A khawpya hae zemah american tuh a thawsia lanpaw thua khyh. Pong a paccynkuh ty vae paw nynh thua.
China Consulate kya-e ccanaw hae maee te a soi hae paw hynh do lan ze, 1941 kum kya Japan nynh Pale join (ပုလဲဆိပ္ကမ္း) a tuh lya ze azicipaw ccanaw hae maee te a rua hae paw te nynh aloku cite naingainzei ccama hae nynh a ho hae.
Inkhawnin mawkhe American nynh China ccungccaw lu (2) Computer te hack a tua hae cite tazae a ccoi hae. Atu lya American te China maee lan vyavya rua.
#ZotungTubeChannel
