Vae ram kyaze a min myarya thang buapaw Mincca Kyaw Hein tuh atunin July 11, 2020 nin Australia ram kya a hiinnaw phe thang vae. A chi nin hynh awkhua suimihlang 9:00 minute 27 kya nynh a hy thang cite a naekuh hua hae paw a vaeccaw hae nynh a ho hae. Atunin a chi nin hynh a kum (73) a cih vae.
A tuhpaw lanpaw Mincca Tha Ngi nynh zemah “U Kyaw Hein phe chih vae” cite a facebook kya a zei. Mincca Kyaw Thu nynh zemah “Mincca Dwe a chinaw te kum (13) a ccing nin kya U Kyaw Hein zemah bua a cceihbua vae” facebook kya bua a zeiku.
Mincca Kyaw Hein hynh 2008 kum kya a kum (61) a beih koute muinsan tangnaw kyate haeung vae zah Phungki lan a tang vaepaw nynh thua. Tuin koute a ccanung a ungnaw Australia ram kalan pou a nuekuhbua vaepaw nynh thua.
Minccan Kyaw Hein hynh Akedami vae (5) a mue vaepaw Mincca pipi lu kheit nynh a thua. Kyaw Hein hynh muinsan tangnaw kya zemah myarya a tang thyapaw thua zah bya zemah nezalya lante bya ho he zah ccungccaw hae nynh ccabaw myarya a ciah hae paw lu kheit a thua.
Atu hawte min myarya thangpaw Mincca lu kheit bua ah sung vae oh. Pawkeiccu nynh a chi cipaw tuh ahooyte ny thua loh khyh. Athaw lante Update tuathui bua yn thua cih.
#ZotungTubeChannel
