Ho mah ho ty leite a ruh lante Pompeo tuh China ram kalan inkhawnin zya la cceih zah Yang Jiech te tungkuhnaw a hoi hae.
Atu lya American te China tuh myarya a rawkuh hae paw nynh thua. Hongkong konglang, Covid-19 Virus konglang te pei doukuh cciamang lya hae ze aruh lante a tungkuh hae paw nynh thua. North Korea te zemah American tuh atu lya houh rupaw nynh thua. China nynh mah North Korea Nuclear te asekuhte a thin myarya phangbua.
USA Ryaccinkhan Pompeo te China lupi lu kheit thuapaw Yang Jiechi te aa tungkunaw hae tuh Hawaii join ( Hawaii ကျွန်ၚ) kya thua zah awkhua suimihlan 9am kyate zete 3:30pm ryacia a tungkuh hae. Tuhe- a tungkuhnaw hae kyaze paw konglang nynh a hokuh hae cipaw tuh ram nin mawte ho loh khyh hae.
Abapi tuh ram kheit te ram kheit ccawkuhnaw rae khylan cite a tungkuh hae paw nynh thua.
#ZotungTubeChannel
Credit photo – CNBC
