American Texas state Smyrna khua kya ung paw vae ccungccaw Ko Win Thein (kum 23) tuh June 8, ninkheitnin suimihlan 10am ccyh kya mawtaw lungkhu a ungpaw ccungccaw lu (3) hae nynh maethe te phe chih lan a kaw hae.
Tuh-e a kawtu hae paw lu (3) hae tuh a kaw kou haete mawtaw te pou ccue hae. Ko Thein Win te mawtaw lungkhu kya a ung kheih hae paw lu (2) hae tuh phe khyn hae.
A chihpaw Ko Win Thein tuh Corner Drive te Summertime Drive pe kya a bang hae lu (2) ryte mawtaw lungkhu kya a ung hae paw nynh thua hae. Palih hae nynh a honaw hae tetuh tuh-e lu (3) hae te tungkuh lan cite a hokuh hae paw nynh athua, Address cceih hae zah a ngaw hae paw nynh athua” cite a ho. Paw konglang nynh tungkuh lan a ci hae cipaw tuh ahooyte nyh loh khyh hae.
Tuh-e lu (3) hae mih min tuh, Phomphanh (kum 19)၊ Rasaan Amaru Wogoman (kum (19) te Seth William Johnson (kum 18) hae nynh a thua hae cite Rutherford County Sheriff’s Office page news kya a zei hae.
A muih hae paw nynh Mihmawtaw te mih muinsang balyn tuh palih hae kya a hopah kou haete palih hae nynh sisung kya maw, lu (3) mawte phe kyn kho hae. Atu e lu (3) hae hynh Aug 05, 2020 nin kya tazaezung kya bya a pia vae cih hae.
Credit – Rutherford County Sheriff’s Office
#ZotungTubeChannel
