Covid-19 ccyh lya ccungccaw patae te na ung lan khyh oh cite kawbya a tho hae paw kyaze kawbya zui khyh cite tazaeccoi hae paw kyaze atu hynh vae (2) naw tazazung kalan yn thuakhae hae paw nynh thua.
Inkhawnin အာမခံ muenaw khylan a sohkuhpaw tazazung byapiatu hae nynh pya khyh hae zah phe sung. Sazae David Lah kyate ccungccaw lu (20) pepan ccinnaw a kaekuh hae cite zemah accozah nynh a ho hae.
Anuhlan April saw kya Sazae David Lah te U Way Tun (nawarah studio) hae tuh kawbya pohmah (25) thyhte thong kum (3) ccaw te phua zemah rungsahbia athuapaw kawbya te tazae a ccoi hae paw nynh thua.
Ngecci က်န္းမာေရး၀န္ႀကီးဌာ kya bya hotupaw U Tha Tun nynh “Sazae David Lah group kyate ccungccaw (67) a kaebua hae cite bua a ho. June 08, 2020 nin kya vae (3) naw tazazung kalan bua yn thua cih.
Vae ram kya mah virus a hoi hae paw milu (233) cih vae hae zah milu lu (6) ccinaw te mih hiiinnaw a lia vae hae.
Sazae David Lah te a bang hae a lue kho nawlan hae sawsangte bungbua oh sih. BAWIPAW phu-enaw lan tang vae sah.. Amen!
#ZotungTubeChannel
