China accozah nynh Hongkong ram hanlan lungchungzei kawbya rae aho cite a ci keiccuze Hongkong luduh patae hae nynh ry khyh hae zah sandah a pia hae.
Lupi China accozah nynh zekhanin ccaccung ninpalinin kyakhe Hongkong hanlan kawbya thopya a ho hae cite a hopaw nynh thua. Tuh-e kawbya tuh ram ning kyate ram kheit lan rae lan cite a pacynkuh hae paw nynh thua.
Hongkong luduh hae nynh zemah “kae ram kya rythyhte um khonaw oun thin ry hae paw nynh thua cite nawccaw leinaw kha a langsahkuh hae.
American te ccaccangpaw ram hae nynh zemah China accozah nynh atu rae lan a cipaw kya mih naw ccawkhae khyh hae. American hluttaw lu (17) hae te nain-ngai-zei ccama hae (200) hae nynh zemah sethuh kuhte mih naw a ccaw leinaw konglang te ccaw a tho te Hongkong luduh hae kalan a pankhae hae.
Amrican President Trump nynh zemah “Hongkong hanlan kawbya na thode oh ze ka ry lan khyh, na raeringkuh cih oh” cite raeringkuhnaw a pya hae.
China accozah nynh mah “Kae ram lungkhu kya yn khawkuhbua nan” cite a khungru ki. China accozah nynh kawbya oun tho ccaccing hae zetuh China te Amrican tuh houhbua yn ru vae cihpaw nynh thua.
Pawccecize Hongkong tuh American kya-e ruiban (mahamake) athua keiccuze American nynh tavin a pankhawpaw nynh thua. American nynh pei a rinpaw ruiban nynh thua.
#ZotungTubeChannel
