American President Trump nynh “Beikinn (Church) miakaw ccapyn na hung vae cih oh” cite inkhawnin White House kyate a ho.
“Samaw sain, Restaurant hae laeze azici huapaw nynh athuabua. tuh-e hae ze pong hung hae zah Beikinn ze hung khyh hae” cite bua a ho.
“Kriccaaw Beikinn thuasah, Juu hae Beikinn thuasah te Bali Beikinn miakaw hae hynh myarya ahopaw athua keiccuze khaw lei lan vae” a ci.
Atu lya ram takyh kya balyn hynh do lan ze ccapyh ccapyh te a hungpya vae hae paw nynh thua. Aban ccungccaw hae nynh tuh “Lockdown tuaho khyh, ccungccaw um ze Virus tuh a ung ngawrei nyng” cite a ci hae.
Hynte bua a ho; “Winci hae nynh ae hungpya khyh oh ze kamaw kotain nynh kae hungpya cih oh” a ci.
State takyh e winci hae mah “Atu saw thangte Pumkunaw Beikinn pung na hungpya vae cih oh” cite amint a pya hae.
President Trump nynh a hopaw a ngae lei hae paw Pine Winci hae mah raeringkuhnaw a pya hae.
Aban State kya-e Pine Winci hae tuh eih hung ry loh khyh hae paw nynh thua. Pawccecize ccinaw hynh pou a ung um keiccu nynh thua.
Malan saw tetuh aening Zotung hae mah pumkuh kho yn thua vae cih cite tua lan a ung.
Virus ccinaw mah BAWIPAW nynh zosah ccavae sah..
