Sazae David Lah hynh Covid-19 ccinaw kae zah phe a dan koute Hotel kya Guarantine bua a um sah hae. Atunin May 19, 2020 nin kya phe a pou vae.
Khah koute Sazae David Lah te a bang hae lu (3) kha rang uktu hae nynh ccungccaw na sueluakuh lan khyh oh cite kawbya a tho hae paw kha ngae leite pumkunaw a rae keiccu cite April 14 nin kya Zekung accozah hae nynh ccazaccoi hae paw nynh thua.
Atunin kya tuh မရမ်းကုန်းမြို့နယ် tazaazong kya kawbya ccang (25) ( ဥပဒေပုဒ်မ ၂၅) te vae(1) naw a thuakhae vae hae.
Atu e a ccoi hae paw ahmuh hynh kum (3) thongccaw te phua rungbia athua cihpaw nynh thua. Thuasalama Canada accozah hae nynh ngiakuhnaw ccaw a ky hae. Apiah mawte poh yn lue khopaw nynh thua. BAWIPAW nynh umkhae vae sah.
Sazae David Lah te a bang hae a lue nawlan zyntu hae nynh sawsang te bung oh sih. Khah koute Sazae David Lah mah atute Pachia bya byaccing hynh houhou nyh zah Pachia rynaw hawte phung zema a ho nawlan sawsang te bua bung oh sih. 🙏🙏🙏
Ccungccaw hae kha la raeringkuh oh; pawccecize minmin nynh zung lang ae ap cih oh zah mih sinakok hae kya ae bua cih oh. Kae ka keiccuze ram uktu hae te siapharan hae malang ae thuakhae cih oh zah, minmin te Zenta hae kya ccaekia lang na tang cih oh. (Matthai 10:17-18)
Crd : Duwun . Sakhung : Win Lwin
