US State Department’s inspector general Steve Linick tuh President Trump nynh Friday kya pou de vae.
Obama a tang lyaze Obama nynh ryalaw a khangpaw nynh athua. Democrats party paw nynh athua. Steve Linick hynh Obama kaw lyate atu ryacia pou a hae umpaw thua zah Obama ccungccaw lu kheit athua.
Steve Linick hynh 2013 kum kyate Obama nynh ryahae khanpaw thua zah Trump te asekuhpaw miakaw hynh doute siseizei lante pei a tuapaw nynh thua cite abang ccungccaw hae nynh a voiphang hae.
US State kyaze Steve Linkick hynh siseizeihmu ale huacce paw lu kheit athua. Trump nynh a depaw tuh Democrats hae hanlan myarya sei vae cite a ho hae.
“Secretary of State Mike Pompeo nynh a rythyhte USA ram kya rya lah zah a uh cite sisei lan a pyncckuh keiccu nynh a de hae” cite CNN News kya a zei hae.
House Chairman Eliot Engel nynh zemah “Pempeo a pankhaw keiccuze adepaw nynh thua” cite a voiphang.
“Siseizei tuanaw kyaze zyn lan a umpaw ccungccaw lu kheit myarya aho keiccuze Steve Linick hynh ka denawpaw nynh athua cite House Speaker Nancy Pelosi kalang Trump nynh Friday kya ccaw a ky.
Steve Linick hanpaw Stephen Akard nynh ryalaw pyaru lan cite a nungdae cite a ho hae.
President Trump tuh pise phe pui cite ka tua. A ry leipaw miakaw tuh daedaethui lan hung de hae. Minmin hanlan ryakhae ccyh thangkuh lanpaw thua khyh , ka nawccah a depaw. Obama mah a mitphi phe lua khaekuh vae.
E konglang naemaw houh na ny ry oh ze BBC,CNN, ABC Nwes kya na ria kho oh.
