Atu lya laephi pynpi kya balyn pong pazaekuh vaepaw Covid-19 Virus Eihsi apounaw lanpaw accyh kae ngaw kho vae lan khyh cite Italy te Britain lupi hae nynh inkhawnin khe a ho hae.
Akonglang tuh hynh-e virus pou ngaw zetuh ram lungkhu sipuazei patae accabung cih zah vawsaw myarya um cih cite a ho hae.
Tuhkeiccuze supuazei bua kaethung nawlan cite a lock-down a tua hae paw pakheih bua a hung ki vae hae.
Britain’s prime minister Boris Johnson nynh ‘Samaw sain, Pinle kanchei, te Restaurant, Beikinn hae takuh tuh bua kae hung vae’ cite a ho.
Britain ram kya hynh milu 244995 ccinaw kae vae hae zah milu (34716) lae a chih hae. Te Italy ram kya hynh milu (225435) kae hae zah milu (31908) lae a chih vae hae cite thae lan a um.
E ccinaw hynh pawte yn hooy kho lan khyh cite ram pynpi e, lupi hae nynh a ho hae.
#ZotungTubeChannel
