Wa rang Sui kungku kya damiataih(ဓါးပြတိုက်) hae paw Taluh lu(3) hae kha UWSA (ဝ) nynh chi detahnaw a pya h
Tuh e Taluh lu (3) hae tuh anulang May 3, 2020 kya Wa nynh mihmaw uhkunaw Namh myo e sui kungku kya teenua hae zah kungku hoitupaw Taluhpaw kha chia hae zah sui kha a lawkuh hae.
Kungkutupaw nynh ryalaw lyngkuh koute a kungku teenaw thuakaw a khaw cciamang lyakhe Damia lu (3) hae nynh teenua hae zah thuakaw phe khawsungte kungkutupaw kha ccezung te mohmoh thuin hae zah phe a chia hae.
Tuh e ccyh taraw kya maw khe Tuluh (3) hae lungkhu lu (2) kha Wa pali hae nynh phe a kyng hae. Lu (1) paw tuh May 14, 2020 nin kya nynh bua a kyng kho hae.
Khah koute May 14 nin Wa rang tazaazong (တရားရုံး) kyate Tuluh lu (3) hae kha chidetahnaw a pya hae.
Vae pali hae tuh Vae rang kya Taluh hae hynh huataw chidetahnaw a pya ngan leipaw hae nynh thua. Wa hae tuh ame te nynh ryalaw hae cite tua lan a um.
#ZotungTubeChannel
