CoronaVirus pawkyate nynh yn pou ccaccing cipaw Australia accozah nynh a sungsang vae cih. China te kongcuezei kya athykuh zemah kae sungsang cih cite Wincichoh Scott Morrison a ho.
American a rynaw hawte a cibua cite ah ho hae paw kha thualeite kaemaw kae ram hanlan ccante kae sungsang cih cite bua a ho.
Australia nynh tuhte ka sungsang cih a cipaw hynh China te kongccuezei hanlan myarya yn sei cih cite nain-ngain-zei ccama hae nynh mah ah ci hae.
China nynh atu hynh Australia ram kyate China ram kalang saw company ccang pali tuh phe khawpya vae hae paw nynh thua.
Hynh-e Virus hynh American, Australia te Urawpah ram hae nynh China accozah kyate maw nynh apou mamin cih cite varyn ah zyn vae hae.
American te Australia nynh atu hynh ah sungsang cciamang vae hae zah aro mawze aphi tuh phe yn ria cih.
