Noe Me Cci Tar Ling tuh inkhawnin kya a pynsaw hiinnaw ccyh tualeipite phe thang vae. Cci mah a ccih leipaw, a khupaw te a chi te luaphukuh zah sizung kalang cciakhae hae zah a thuakhae maw hae ze a hy phe thang vae cite ah ho hae.
Amaw hynh Pakokku University, Geography Major,2019-2020 Academic Year kya Master’s degree te Siainn a thang vae paw nynh athua. Amaw a khua tuh Lungngo thua zah a nung te a paaw min hae tuh Paaw Rang Pung te Nung Sui Van hae nynh thua hae. A kum (25) cih vaepaw nynh thua.
Atu ah ungnaw tuh Keko (Gangaw) um vae hae paw nynh thua. May 13, 2020 (Wednesday) , suimilan 10:34pm ccyh kya a pyn ccyh thangpaw nynh thua.
Lungngo hae kyaze degree phe hang buapaw lu kheit nynh atu hawte a cciataw hae paw kya “Lungngo khoccaw hae kae ngae myarya ah thah” cite Lungngo hae nynh fb kya zemah a post he hae.
Hynh-e Noe Me Cci Tar hynh a lung mah myarya hawpaw ccungccaw lu kheit a thua, a ning nynh hihncite oun cciapaw elang Lungngo hae myarya kae ve athah” cite ah ho hae.
A cciataw hae paw a innbyn hae te a vaeccaw hae hanlan sawsang te bungbua oh sih.
Atunin kum lungkhu kya, Lungngo khoccaw hae, lu thum mih hiinnaw ah thang hae cite thongpang thae lan a um.
#ZotungTubeChannel
