ကိုရိုနာဗိုင္းရပ္စ္နဲ႕ ပတ္သက္္ၿပီး ေလ့လာေနတဲ့ တရုတ္သိပၸံပညာရွင္တစ္ဦး လုပ္ႀကံခံရ
CoronaVirus konglang te a leihla tupaw Taluh သိပၸံပညာရွင္ lu kheit phe chia hae.
Dr. Bing Liu tuh a kum (37) cih vaepaw thua zah University of Pittsburgh kya computer lante myarya thya paw lu kheit a thua. University of Pittsburgh kya Assistant Professor lu kheit a thua vaepaw nynh thua. Amaw hynh Taluh ram kya a puipaw thua zah atu a umnaw tuh USA ram kya umpaw nynh thua.
Covid-19 Virus “pawtemou atho” cipaw konglang te leihla zah vyavya a nynaw vyavya anae ccyh kya nynh ccungccaw lu kheitpaw nynh mih inn lungkhu lang teenua zah maethe te phe chih lan a kaw.
A kawtupaw min tuh Mr. Hao Gu cihkuhpaw nynh thua zah Dr. Bing Liu tuh alu te angin kya nynh maethe te a kawnaw a vaemaw tuh palih hae nynh ah muih hae.
A kawtupaw Hao Hu tuh mah, a mawtaw kalang ki zah a thuadyn ze phe chihbua. Palih hae nynh ah honaw hae tetuh amaw te amaw nynh a kawkuh cih cite ah tua hae.
Inn nuhlang e thuakaw ccangning mawte a hungpaw nynh thua zah tuin kyate nynh Hao Hu tuh atee cite Palih hae nynh ah ho hae.
Dr. Bing Liu azu tuh innvaw a um khyh ccyh lya nynh thua. Imua hae mah ah hoi lohblei hae paw zuvaw hae nynh thua.
Covid-19 konglang a zuakuh paw te a leihla hae paw miakaw hynh Taluh accozah nynh baban pei ah kyn hae paw te ah chia hae paw nynh thua. Atu e paw hynh zemah Taluh accozah nynh a cipaw nynh athua cih cite Palih hae nynh ah ho hae.
E virus hynh ccungccaw nynh araepaw athuanaw hohhouh alangkuh vae. Amepaw tuh nin khah kheit nin kya phe yn langkuh cih.
Ref; BOM
