Spread the love
  •  
  •  
  •  
  •  
  •  

Home Zotung Sweden te Finland tuh NATO member lan teebua lante a paccynkuh vae...

Sweden te Finland tuh NATO member lan teebua lante a paccynkuh vae hae

Spread the love
  •  
  •  
  •  
  •  
  •  

Nopi lu ning nynh a uknaw hae ram, ram ning hae tuh NATO member kalang teebua lante a paccynkuh vae hae.

Tuh-e ram hae tuh Sweden te Finland ram nynh thua hae. Hynh-e ram hae nynh NATO kalang palah thuabuanaw lanpaw thawte a zuakuh vae hae.

Atunin April 13, 2022 nin kya Sweden ram kya tungkuh hae zah media hae malan lu ning te a ho vae hae.

Russia nynh Ukraine a tukpaw hynh do lanze Europe ram balyn hanlan ri lan myarya umpaw thua keiccuze aening nynh thawte raeringkuh aho vae cite lu ning te a ho hae.

A kum (36) cih vaepaw Finland uktunung Sanna Marin nynh a hopaw tuh ‘Russia ram te rangrih kae tangpaw hynh NATO member kalan tee lanpaw hynh byapaenaw kae hoi vae cih” cite a ho.

Hynte bua a ho, “Russia nynh yn tuk lanpaw hanlan zemah hooyte paccynkuh ty aho vae” cite a ho.

Sweden uktunung nynh zemah “Sweden ram nynh NATO kalan teebua lanpaw hynh teebua lan tou, teebua lei lan tou cite tuakuh ccyh thua vae khyh’ cite a ho.

Russia hanlan tuh mih bungpaw nawlang thua zah hynh-e ram 2 hae nynh NATO member kalan teebua lanpaw hynh mazi ry khyh zah “na teebua lan khyh oh’ cite zekhanin kyaze raeringnaw a pya vae hae paw nynh thua.

Thuasalama Sweden te Finland hae nynh tuh “asaw te rosah vae leite arang khonaw mawte NATO member lan teebua lan vae” cite a ho hae.

Russia nynh nyalan ccyh kya NATO nynh zoibaheih te yn tuk sei cih cite rih zah 2014 kum kya Ukraine ram thuapaw Crimea hynh Obama kaw lyaze phe a lua vaepaw nynh thua.

Atu hynh Russia te myarya a naekuh hae paw Finland te Sweden nynh NATO kalan a teebua lanpaw hynh a tua vae ze a lungvaw kou saw cih cite a ho hae.

Amaw te myarya a naekuh hae paw Hynh-e ram ning hae nynh NATO Member kalan yn teebua vae hae zetuh Russia tuh a bung houh paw lanpaw nynh um vae.

#ZotungTubeTimes

Today: 14 Total: 204529
Facebook Comments


Spread the love
  •  
  •  
  •  
  •  
  •  

Most Popular

Sweden te Finland tuh NATO member lan teebua lante a paccynkuh vae hae

Nopi lu ning nynh a uknaw hae ram, ram ning hae tuh NATO member kalang teebua lante a paccynkuh vae hae.Tuh-e ram hae tuh...

American ram Scholarship muepaw Noe Esther Biak Hnem Zing

Ah Zotung minphuin lu kheit thua nung Noe Esther Biak Hnem Zing tuh Bawipaw min te American Scholarship a muebua khopaw elang lungtua lan...

“Refugee azya hua a kopaw President”

ဒုက္ခသည်တွေအတွက် အဆိုးဆုံးသမ္မတBiden bya a zyn hae paw ahmaw Zotung hae hanlan ka khuarua phe ru.Biden nynh refugee ccungccaw 120,000 ka ko cih cite aho....

Paaw Cung Lian Mang innbyn nynh CDF-ZOTUNG hanlan $6000 asya hae Thongpang Oct 09, 2021

Australia Melbourne kya innsithuh company a hoitupaw, Paaw Cung Lian Mang innbyn hae nynh CDF-ZOTUNG rhaw hooy hae elang cite Ameriacan Dollar $6000.00 a...

Recent Comments

Facebook Comments

Spread the love
  •  
  •  
  •  
  •  
  •