Ah Zotung minphuin lu kheit thua nung Noe Esther Biak Hnem Zing tuh Bawipaw min te American Scholarship a muebua khopaw elang lungtua lan myarya um.
American accozah nynh kum (4) hanlan American Dollar $76,000 (Thung sungsari thung taruh) hynh siainn a kaenaw elang a pya pahcih hae paw nynh athua.
Atu zemah ccungccaw patae nynh huataw eih a mue kho lei hae paw USA ram kya Scholarship a mue buapaw elang lungtua lan myarya um zah ah Zotung minphuin zemah maehooynaw yn pyatu nung lu kheit athua.
A khua tuh Rovaw thua zah a paaw min hynh Paaw Raw Thung te a nung min hynh Nung Phir Thlia (Hakha) thua hae.
Atu a umnaw hynh Kalay Myo kya a um cciamang lya hae paw nynh thua. A puinaw hynh zemah Kalay Myo kya nynh a pui cite a vaeccaw lu kheit a thuapaw Paaw Maung Aye nynh ccaw zeitupaw kya yn hopya.
Noe Esther konglang nynaw thyhte!
* A min – Noe Esther Biak Hnem Zing
* A kum (20)
* A khua – Rovaw
* 2017-2018 kum kya တက္ကသိုလ်ဝင်တန်း hynh စက-၃၆၂ te a aw bua.
* 2020 kum kya Miss Myanmar Beauty Paradise kya winner a mue.
* Atu 2022 kum kya USA Scholarship a mue.
* A paaw min – Paaw Raw Thung (Rovaw)
* A Nung min – Nung Phir Thlia (Hakha).
Ah Zotung minphuin hanlan Pachia nynh oun po pyapaw lan thuavae sah.
Photos – Esther Biak Hnem Zing’s Facebook
Congratulations Noe Esther Biak Hnem Zing!!!!!
#ZotungTubeTimes
