အသက်ရှင်ဖို့ ၂% ကျန်တော့တဲ့ America’s Got Talent မှာ ကိုယ်တိုင် ရေးဆိုခဲ့ပြီး Golden Buzzer ရခဲ့သူ Nightbirde။
Laephi vawlan kyaze a minthangpaw “America’s Got Talent” (AGT) kyaze taekunaw kya hlawsah lante yn taekuhbua zah Golden Buzzer zemah a mue buapaw Jane Marczerski konglang nynh thua.
Amaw hynh cancer ccinaw te a ccihpaw thua zah a chi lanpaw hynh 98% a ria vaepaw ccungccaw lu kheit nynh a thua.
Te, AGT kya hlawsah yn taekuhbuapaw te ccungccaw patae hae nynh nyh hae zah bawmnaw zemah “Gofundme” kyate a bawm hae. Tuin kyaze sisung lungkhu ccungccaw lu 180 kyate $251,079 a mue.
Amaw a kum zemah kum (30) a cih vae. Ohio state kya a puipaw thua zah Ohio kyate California state kalan a nuekuh vaepaw nynh thua. Hynh-e ccinaw a hoi maw tuh myarya a puithyapaw nopi lu kheit nynh athua.
2015 kum kya a sakheihpaw te kuihkyngkunaw a raekuh hae. A ccinaw hynh 2017 kum kyate cancer ccinaw a hoipaw nynh thua.
“Paw hlaw mou na sah cih” cite khia hae zah “it’s okey” cihpaw hlaw, kamaw ka phuapaw hlaw nynh athua” cite a khung hae. “Pawkeiccumou “it’s oKey” cite na phua” cite bua khia hae zah “kae hynh Cancer ccinaw ka hoipaw nynh thua, atu hynh 2% makhae rou nynh ka hiinnaw ka hoi vae” cite a hoku.
Tuhte a hokuh koute ccungccaw hae miakaw tuh kaw kheit sangmah bya ho vae leite ccapyn dae hae zah mih ngae myarya a thyakhae hae.
Atu hynh a chi lanpaw nynh, hung a ngaw vae cihawte hung thua. Nin kheit koute nin kheit a ngesaw zemah koukou athah.

“Pachia nynh a cyi kho leipaw um khyh, na ccinaw kyate phe nae dan cih, ka sawsangnaw kya zungzae kae bawm” cite thawpyatu hae a ccungccaw hae nynh comment kyate thawzung zemah patae a pya hae.
Namaw na hiinaw kya na hiinnaw hynh 2% makhae na la hoi vaepaw ccungccaw lu kheit na la thua lanze pawte vema na lungria a thae cih, cipaw amaw lante tuakuh tua oh sih.
“2% paw tuh0% paw thua khyh, 2% paw tuh ccangkhakheit nynh hung athua” cite ngaehoinawte a ho.
Zyntu hae nynh sawsangte tyty la bawmbua oh sih cite zemah kae hyy oh. 0% paw kyate zemah Bawipaw nynh a dansah khopaw nynh thua.
Atute e nung konglang thongpang yn um ze bua thaekuh lan oh.
Ka lungtua!
#ZotungTubeNow
