Pawcce U Kyaw Moe Tun hynh ccaccangpaw laeze vae rhawkaw hae nynh mih pe a ki hua?
UN kya vae ram hanlan rya a lapaw U Kyaw Moe Tun tuh chia kho ze American $5000 pyakuhte a paccynkuh hae paw, vae ccungccaw lu ning hae tuh atunin FBI hae nynh phe kyn kho vae hae.
Hynh-e lu ning hae hynh “Thailand kya a umpaw puesa lu kheit kyate online kyate oun hyypaw nynh athua” cite FBI hae kya a ho hae.
Thailand kya a umpaw tuh vae rhawkaw hae te a kynkuh hae tou, kynkuh khyh hae tou cipaw zemah FBI hae nynh a sisei cciamang um hae.
Atu-e lu ning hae hynh ahang hua kum (5) thongccaw lanpaw nynh athua. Atunin te New York byapiazung kyate tazae a ccoi vae hae.
Tuh-e hae mih min tuh Phyo Hein Htuet te Ye Hein Zaw thua hae zah mimaw hynh USA Citizen a mue vae hae paw nynh thua hae cite a ho hae.
USA ram kya kum (1) hang visa te a umpaw lu kheitpaw nynh U Kyaw Moe Tun kalan phone ko zah “chia lan cite a paccynkuh hae paw konglang kha a hopya koute U Kyaw Moe Tun nynh FBI hae kalan “ka hiinnaw hanlan ri lan myarya um vae” cite a thaesah kou haete atu-e ccungccaw lu ning hae hynh FBI hae nynh ccung hae zah a kyn hae paw nynh thua.
Pawcce U Kyaw Moe Tun hynh ccaccangpaw laeze vae rhawkaw hae nynh mih pe a ki hua?
NUG lae zemah U kyaw Moe Tun hynh vae rhawkaw hae nynh a ripya hua hae. UN kya dahung kho bua lanpaw hynh accozah ccangkheit kyaze azici huaccenaw nynh thua. Pawccizeci ram lungkhu kya-e buekhaekunaw konglang balyn hynh UN kya rythyhte ho khonaw te ngaikuh khinaw athua keiccu nynh thua.
Atu U Kyaw Moe Tun nynh vae rhawkaw kalan pan leite NUG accozah kalan a pan keiccuze vae rhawkaw hae hanlan tuh khuaning phe accah cihawte nynh thua. UN meeting tuanaw takyh kyaze vae rhawkaw hae nynh ahooyleinaw konglang pei a ho keiccuze U Kyaw Moe Tun hynh UN kyate a ryahae athang lanpaw hynh thawte a zuakuh hae paw nynh athua.
U Kyaw Moe Tun hynh malang saw September saw kyaze a ryahae a thang vae cihpaw nynh thua. “U Kyaw Moe Tun hynh February saw kyate a ryahae kae phua vaepaw nynh athua” cih hae zah amaw hangpaw ccungccaw lu kheit kha UN kya a min a pya hae paw nynh thua. Tukeiccuze nynh UN nynh mah malang saw kya U Kyaw Moe Tun ryahae a thang nin ccyh athua vae keiccuze, tuh-e lu ning hae kyaze lu kheit tuh UN nynh po hahe lan accang vaepaw nynh thua.
September saw kya U Kyaw Moe Tun hanpaw UN kya dahung bua lanpaw nynh vae rhawkaw hae nynh saduthawkuh huacce hae paw nynh thua. UN nynh NUG tou a po cih athua khyhze rhawkaw nynh a min pyapaw tou yn po cih hae cipaw tuh atu lya vae ccungccaw balyn nynh bung thynkuhte a ngaw hae.
“Malang September saw kya hynh NUG ccungccaw a thuapaw U Kyaw Moe Tun maw nynh UN nynh bua yn po cih hae” cite Nain ngain zei a thya hae paw nynh a ho hae. Pawccecize UN kya hynh Democracy hynh thaw a pya hae paw athua keiccuze NUG nynh yn po cih hae cite a tua hae.
Atu e pokuhnaw kya tuh Veto mangnaw um khyh. Rusia te Taluh nynh mah veto te mang kho thua khyh. Mee alung hua te a po cih hae.
Te, atu e lu ning hae hynh “Vae kheitnaw lante $4000 tuh oun pya vae hae zah kae paccynpaw tuh he athangte $1000 bua pyakuh lante nynh kae hokuh” cite FBI hae kya a ho hae.
Tuh-e phua $5000 muenaw elang mih hiinnaw kum (5) lungkhu thonginn kya um lanpaw te myn a rurykuh hae paw elang nynh ngaeangthua lan myaryamaw um.
#ZotungTubeChannel
ဦးကျော်မိုးထွန်းကို တိုက်ခိုက်ဖို့ ပူးပေါင်းကြံစည်မှုနဲ့ မြန်မာ ၂ ယောက်ကို FBI ဖမ်းဆီး အမှုဖွင့်ထားပြီ
စစ်အာဏာသိမ်းမှုကို လက်မခံတဲ့ ကုလသမဂ္ဂဆိုင်ရာ မြန်မာ အမြဲတမ်း ကိုယ်စားလှယ် ဦးကျော်မိုးထွန်းကို ထိခိုက်နာကျင်အောင် အကြမ်းဖက် တိုက်ခိုက်ဖို့ ပူးပေါင်းကြံစည်မှုနဲ့ မြန်မာနိုင်ငံသား နှစ်ယောက်ကို ပုဒ်မတပ် အရေးယူထားတယ် ဆိုပြီး အမေရိကန် ပြည်ထောင်စု၊ နယူးယောက် တောင်ပိုင်းဒီစတြိတ် အစိုးရရှေ့နေရုံးက ထုတ်ပြန်ပါတယ်။
ဖြိုးဟိန်းထွဋ် ၂၈ နှစ်နဲ့ ရဲဟိန်းဇော် အသက် ၂၀ တို့ နှစ်ယောက်ကို အမြင့်ဆုံး ၅ နှစ် အထိ ထောင်ချနိုင်တဲ့ ပုဒ်မနဲ့ အမေရိကန် တရားရေး အာဏာပိုင်တွေက အရေးယူ လိုက်တာ ဖြစ်ပါတယ်။
