USA Maryland state kya umpaw Paw Van Cung Bik nynh ah Zotung minphuin hanlan kya, rya a lah hae paw Zotung rhawkaw (CDF) hae hanlan cite American phua $3000 a hlu cipaw thongpang hooypaw kae thaesah oh.
Amaw a khua tuh Kaelung nynh thua. Atu lya amaw hynh zemah Maryland state kya ZOA Local kyaze Ryaccinkhan (Secretary) lu kheit nynh thua.
Paw Van Cung Bik hynh khua te ram hanlan myarya a tuapaw zawthaw mino lu kheit nynh thua. Zotung minphuin hanlan dosuinkuhpaw ccungccaw lu kheit nynh thua.
Ah Zotung minphuin hae kya hynh CDF kalan milu (400) lae a teebua vae hae. Thuasalma maethe ccangkheit sangmah hoibua loh khyh hae. E hanlan ngaethya lan kou um.
Tuhlaepaw aening takua nynh zemah a taeningnaw oh thyhte Zotung rhawkaw (CDF) hanlan tuh la zuakuhbua oh sih.
Tukeiccuze atu lya hynh ah umnaw oh khua takyh kyate CDF hanlan cite khoipyakuhnaw a um he. Tuh-e kya kia kheit zemah thuasah kia ning zemah thuasah la pawinbua oh sih.
Paw Van Cung Bik a tungvaw kyamah Bawipaw nynh hythuanaw koukou la pyavae sah.
Share tuakuhte luungtua khae oh sih.
#ZotungTubeNow
