A ccudung ccang (3) a khya pi mawte Gaethje a tae khopaw Khabid tuh “laephi vawlan lungkhu ze myarya akhung huapaw ccungccaw lu kheit nynh thua” cite UFC Presidentpaw nynh a ho.
A min myarya thangpaw UFC Champion Khabid tuh Gaethje te Oct 24, 2020 nin kya thungkuh hae zah amaw kya-e Champion suh (lasung) tuh bua a lawkuh kho. UFC kya a thungkunaw hynh vae (29) naw thua zah a thungkuh takaw te atunin ryacia vae kheit sanmah sung boi leipaw lu kheit athua.
A thungkuh kou hae te UFC Presidentpaw nynh “Khabid hynh Gaethje te a thungkuhmaw hae sah kheit ary kya a ccudung hae taraw kya-e aru ccang (3) khya zah sisung a kaepaw nynh athua. A ccu accih lalia lan mawte a thungkuhpaw thua zah “Khabid hynh laephi vawlan lungkhu ze apyn myarya akhung huaccepaw ccungccaw lu kheit nynh thua” cite a cinawpaw athua.
A ccudung hae a khyapaw hynh humhung kyamah hopah leite a thungkuhpaw nynh athua. Alungkhu lan yn tee lyamah pawpawmah accih leipaw hawte zya um zah a thungku.Poi he thang koute “MMA kyate ka haeum vae ci” cite a hokuh vae. Amaw a kum hynh kum (32) nynh hung a cih umpaw athua. Atu hawte a kum nobaleih te a haeum paw konglang zemah tuin kya ranouh a hobia.
“Atunin kya bya ccangkheit kae hopya ry oh; hynh-e poi hynh ka hiin lungkhu ze nyathya ka thungkunaw nynh thua vae, ka paaw umbua leite tuh ka thungkuh ry vae khyh, hynh-e poi hynh ka paaw umbua leite masaty ka thungkuhpaw pou nynh athua, E poi kalan kae cciamaw taraw ninthum ary kya ka nung te e konglang te thawte kae hoku, ka paaw umbua leite thungkuh lanpaw ka nung nynh yn sawry vae khyh, tukeiccuze hynh-e poi hynh atunin nyathya ka thungku buanaw nynh athua vae, ka nung kya zemah byaking phe ka pya vae” cite mitphi lua biate a hosya.
Khabid a paaw hynh Covid-19 ccinaw te a chihpaw thua zah anuhlang saw kya mawkhe a hiinnaw a thangpaw nynh athua. A paaw nynh a chipaw tuh MMA thungkunaw kyate haeum nawlan nynh la thua vae.
#ZotungTubeChanne
