President Trump tuh Covid-19 Virus ccinaw kae zah Maryland State kya umpaw Walter Reed sizung kya nin thum a um koute inkhawnin ccaccung ninkheitnin kya White House kalan a ki vae.
A kum (74) cih vae paw President Trump nynh “Covid-19 raw tuh rii lanpaw thua khyh, Covid-19 nynh taesahkuh nan oh sih” cite a pou koute zaepi hae kha thawzung a pya hae.
White House kya phe thua vae ci zemah suimihlang ccangkheit cihte pou a do-oihtu Dr. Seann Cinley te sibawi hae milu (30) White House kya a nungpya hae.
A kum (74) thuapaw ccungccaw lu kheit nynh nin thum lungkhu te phe a dansah khonaw hae paw American ram kya Covid-19 esi a hoi vae hae cipaw phe ria.
Covid-19 ccinaw kya a mang hae paw Remdesivir esi te vae thum han a pya hae paw thua zah nin thum lungkhu kya dannaw ccingpaw a mue keiccuze sizung kyate a rungpaw nynh thua.
President Trump Covid-19 ccinaw yn tung keiccuze “a hung nynh vote pya lan” cite a nykuh loh lei hae paw takua nynh tuh Trump nynh vote kae pya cih cite a paccynkuh vae hae cite news ccangkheit kya a zei hae.
2020 kyamah President Trump nynh bua yn tae cih cite ngaehoi lan um. Vote Trump 2020 ❤️❤️❤️
#ZotungTubeChannel
