President Trump “Nobel lasung pya lan a ci hae keiccuze social media kya talung talung hy.
Norway Parliament paw, Christian Tybring-Gjedde nynh President Trump hynh a min a pyabuapaw nynh thua. Amaw hynh atu lya NATO Parliament Ukathahpaw lu kheit a thua. 
Fox News bya khialeihnaw kya “Israel te UAE Kungse saepi Muslim rang UAE te Khriccaw aleihpaw thuapaw Israel laku rawkunaw kyate daenaw rae khopaw a thua keiccuze kae pyapaw nynh thua” cite a ho.
Tybring-Gjedde nynh bua a ho, “Trump tuh ccaccang hae paw laeze rya zemah myarya a lah khopaw nynh a thua” cite bua a ho.
Trump hynh India te Pakistan Kashmir ram konglang thuasah, North KOrea te South Korea thuasah, American te North Korea kumse saepi a rawkuhnaw hae kyate thuasah daenaw te ccawkunaw a rae khopaw President lu kheit a thua.
Te, Nithua lan um hae paw American rawkaw hae ccapyn bua a lawthui kho keiccuze ccungccaw hae nynh the myarya a hooysah hae paw nynh thua.
President Trump hynh ccungccaw hae nynh pawpawte ahooy lei lan te ho hae salazema a laansui po ua. Taenaw po a mue. Aryng lya American President hae nynh a ci kho lei hae paw balyn President Trump nynh marya a ci kho.
Atu hawte President Trump nynh Nobel Peace Prize a mue buapaw elang lungtua lan myarya a um. Bawipaw nynh zemah houh pankhae vae sah.
2020 President taekunaw kya zemah bua yn mue kho cih cite ngaehoinaw a um.
#ZotungTubeChannel
