American nynh detah keiccuze Huawei phone company tuh myarya ccahbung vae zah a vaw myarya saw vae.
American nynh de a tah keiccuze nyathya poupaw Smarkphone kya amangkuhpaw Chip pia tuh malan saw September saw kyate a haumtaw vae cih hae.
September saw kya Chip pia raepaw, oun haeumtaw vae hae zetuh Huawei hanlan muenaw lanpaw (sipuazei) myarya yn ccabung vae cih.
Huawei keiccuze Cyber internet khynaw elang myarya ri lan a um, a ci hae keiccuze American nynh 5G thaekuhnaw kya myarya hangpaw Huawei hynh de a tahpaw nynh thua.
“American nynh detahnaw yn pya keiccuze Huawei kya kae mangpaw Kirin 9000 myarya ame rupaw Chip pia kae raenaw tuh malan saw kya, kae haeumtaw vae cih” cite Huawei lupipaw, Yu Chengdong nynh a ho.
American nynh raepaw smarkphone kya amangkuhpaw, Google te asekuhpaw mikaw tuh Huawei mang khonaw anulang kum kyate American accozah nynh phe khe vaepaw nynh thua.
Kirin 9000 Chip pia hae hynh American thyahawnaw ukccaw kya-e mang te a mangbua hae paw thua zah Taiwan Seminconductor Manufacturing Co. (TSMC) kya kynkuhte a rae hae paw nynh thua.
Tukoute, TSMC nynh zemah nyalan vawsawnaw yn um sei cih cite Huawei kyate yn taw hae paw uccaw hae balyn tuh resah vae khyh hae.
Huawei company hynh amaw pynpahreih te Chip pia a rae kho loh leipaw nynh thua. Malan saw te Huawei na mang oh paw hanlan tuh myarya yn sei vae cih phia. Aening vae ram ah Zotung ccaw patae mah Huawei phone hynh patae ah mang oh paw nynh thua.
Atu mawte ccaccangpaw phone na mang oh ze kou hooypaw nynh thua.
