George Floyd a neitapaw Terrence Floyd nynh “hynhte ahooy leite sandah ah pia oh paw liate ka upaw bua thoothui kho lan khyh” cite a ho.
“Ahooy leipaw cisahnaw te sandah ah pia oh paw hynh beih dae ccavae sih oh lah sungsahkunaw te ngaethyakuh oh sih’ cite sandah a pia hae paw kya a ngiakuh hae.
Inkhanwin ccaccung ninkheitnin kya Good Morning America kya Robin Roberts nynh interview a tuanaw kyaze “Inn hae te mawtaw hae balyn maee te a rua hae paw hynh mazi ka ry khyh, ahooy leipaw cisahnaw nynh athua, kae tuh ccawkunaw rou nynh ka ry, accozah uccaw hae te inn hae balyn maae te pong rua hae paw hynh kae ka neitapaw te sekuh khyh, hynhte sandah a pia hae paw hynh lungnginaw nynh kae langsahkuh cite tah a tua hae, e hynh lungnginnaw thua khyh’ cite a ho.
Te, laanpi kya a upaw hanlan cite haetapaw te laanpi kya a pongpya lya hae ze hynhte bua a ho; “Kaening innbyn tuh Pachia myarya kae doliakuhpaw innbyn hae nynh kae thua, tukeiccuze aryn lya hawte lungngin sungsahkuhte um oh sih’ cite zaepi malan a ho.
A neitapaw nynh atu hawte a hopaw hynh ccungccaw papaepi lungnginnaw a pya kho hae. Myarya tua thyanaw a hoipaw ccungccaw nynh athua cite zemah a hangthung hae.
Atu lya hynh Ngeraw te Ngeman buakuh he vae hae paw nynh thua. Palih hae mah lu thum phe chia vae hae. Te, maethe zuanaw kyamah do lan ze Ngeraw hae maethe a rekuh hae paw inn nynh ccung khyh hae zah laanpi lan pou thua lan tang nynh a sikuh hae cite news ccangkheit kya sakhung te a tawbia hae.
Ri lan myarya um vae, President Trump nynh “Palih hae nynh a tae vae khyh hae zetuh rawkaw hae athung thungte nynh ka sawnua vae cih hae cite inkhawnin ninkheitnin kya bua a ho.
Sawsang te bungbua oh sih.
#ZotungTubeChannel
#CreditPhotos
