Atu lya American ram kya tuh Covid-19 virus ccinaw te sandah a pia hae paw ry pong tungkuh zah ri lan myarya a ung.
Sandah a pianaw hae kyaze palih patae hae mah vaemaw Thawte a mue hae. Tuh-e patae hae laku kyaze atu e, mih kum myarya a no ung hae paw Palih lu ning hae tuh ngeman hae nynh phe chia hae.
Hynh-e lu ning hae konglang hynh pawpaw media hae nynh zemah zei boi khyh hae. A zei hae paw mah muih lan ung khyh. Atu e hynh facebook social media kyate yn langkuhpaw nynh thua. “Pawkyamou media hae a ung hae, pawcce e hae konglang media kya a zei khyh hae” cite ccungccaw patae hae nynh a khia hae.
Hynh-e palih hae hynh mih kum, kum (29) paw te kum (24) paw nynh a thua hae. Lu kheitpaw tuh Utah state kya-e paw nynh athua cite a ho hae.
Cody Holt hynhtuh Ngemanpaw Salah Pendleton cihkuhpaw nynh a chiapaw nynh thua cite a ho hae. Zekhaning a chihpaw George Floyd mah ccungccaw, hynh-e lu ning hae mah ccungccaw hae nynh a thua hae, a hung nynh me lehua ci ung khyh, pawcce media kyaso a zeibua khyh hae cite ngeraw hae nynh a ho hae.
Lu kheitpaw tuh imua lu kheit hoi vaepaw thua zah lu kheitpaw tuh ccaaw sak loh khyh hae. Lu khiet mah a zu a cciataw, lu kheit mah a zu te a ccaaw a cciataw hae cite social media kya a zei hae.
USA ram adae nawlan sawsangte bungbua oh sih.
#CreditPhotos
#ZotungTubeChannel
