Spread the love
  •  
  •  
  •  
  •  
  •  

Home Zotung American ram kya lungchungzei rawkaw hae ready te a nung vae hae

American ram kya lungchungzei rawkaw hae ready te a nung vae hae

Spread the love
  •  
  •  
  •  
  •  
  •  

Ngeraw palhpaw Derick Chauvin nynh ngemanpaw George Floyd tuh a ngin kya a ccukharu te syde zah a chi keiccuze atu lya USA ram kya ngeman hae tuh sandah Thawte a pia hae.

Tuhte sandah a pia hae kyalya thua leite palih mawtaw maee te a rua hae, store saine kalan teebiate uccaw balyn pong a rubia hae. Tukeiccuze accozah hae mah mih thin phe ria vae zah atu tuh Palih hae nynh taening vae khyh hae zah sisung rawkaw (အရံတပ္) a sawnua vae hae.

Minnesota state kyalya thua leite state (11) kya Winci hae nynh sisung rawkaw ccapyn a nung kou vae hae. Tuhte sandah bua oun piade hae zetuh maethe te kawkuh lanpaw nynh thua vae. President Trump nynh mah a ho vaepaw nynh thua.

Georgia, Kentucky, Ohio, Wisconsin, Colorado, Utah, Washington, California, Tennessee, Missouri te Texas state hae kya tuh inn hae maee te rua hae zah sain kya-e uccaw balyn ph eruh kounaw hae state nynh thua hae.

Atakaw lya tuh ngaethyaumsah lan mang um hae paw, atu tuh hynhte bua ccouseikuh hae zah thinria lan nynh umbua vae. Mih thuanaw mih thinlung a langsahkuhnaw haepaw kha nykuh vae khyh hae.

Inkhawnin Indiana State kya tuh kawkuhbia hae zah ccungccaw lu (1) phe a chih, te lu (2) vaemaw a mue hae cite thae lan um. President Trump a umnaw White House malan mah sandah thawte a pia hae.

Atu hynh state takyh kya a kyn hae paw ccungccaw (1400) alae vae cite a ho hae. Palih mawtaw (20) lae maee te a rua hae cite news kya a zei hae.

Credit Photos
#ZotungTubeChannel

Today: 5 Total: 204502
Facebook Comments


Spread the love
  •  
  •  
  •  
  •  
  •  

Most Popular

Sweden te Finland tuh NATO member lan teebua lante a paccynkuh vae hae

Nopi lu ning nynh a uknaw hae ram, ram ning hae tuh NATO member kalang teebua lante a paccynkuh vae hae.Tuh-e ram hae tuh...

American ram Scholarship muepaw Noe Esther Biak Hnem Zing

Ah Zotung minphuin lu kheit thua nung Noe Esther Biak Hnem Zing tuh Bawipaw min te American Scholarship a muebua khopaw elang lungtua lan...

“Refugee azya hua a kopaw President”

ဒုက္ခသည်တွေအတွက် အဆိုးဆုံးသမ္မတBiden bya a zyn hae paw ahmaw Zotung hae hanlan ka khuarua phe ru.Biden nynh refugee ccungccaw 120,000 ka ko cih cite aho....

Paaw Cung Lian Mang innbyn nynh CDF-ZOTUNG hanlan $6000 asya hae Thongpang Oct 09, 2021

Australia Melbourne kya innsithuh company a hoitupaw, Paaw Cung Lian Mang innbyn hae nynh CDF-ZOTUNG rhaw hooy hae elang cite Ameriacan Dollar $6000.00 a...

Recent Comments

Facebook Comments

Spread the love
  •  
  •  
  •  
  •  
  •