Spread the love
  •  
  •  
  •  
  •  
  •  

Home Zotung Floyd a theihtupaw Palihpaw kum (12) cia thong a ccah kho

Floyd a theihtupaw Palihpaw kum (12) cia thong a ccah kho

Spread the love
  •  
  •  
  •  
  •  
  •  

George Floyd a ngin a sydetupaw Derick Chauvin tuh tazaeccoi vae cih hae cite thae lan a um.

Floyd tuh phua atuh te uccaw a re keiccuze store sain zuatupaw nynh Palih hae phone te a konua hae paw nynh thua. Tuin kyate Palih lu pali hae nynh a kyn hae.Tuh-e lu pali hae tuh mih ryahae kyate phe phua vae hae.

Kyn leite ryahae kyalya phoh hae zah ngeman hae nynh a ry khyh hae keiccuze atunin ryte zi palinaw sandah a pia vae hae. “Na kyn cih oh zah thong na sah cih oh, Ngeman hae kaening ahme leite pei nae chia oh” cite a ci hae keiccuze atu tuh a nginte a sydetupaw Derick Chauvin tuh tazae a ccoi vae hae.

Ahang huaccepaw amhuhte tazaeccoi hae zah alunghua kum (12) ryacia yn ccah kho cite a ho hae.Hynh-e Palihpaw hynh palih lan a tangnaw kum (38) lae a cinaw kyaze ccungccaw hae nynh a tain hae paw vae (17) a cih vae cite Palih Department kyate a ho hae.

George Floyd te Palihpaw Derick Chauvin hae hynh restaurant kya kum (1) lae rya pynkheihlan la hae kheih boi hae paw nynh la thua hae.

Te, George Floyd hynh thangccingte ho lan zetuh Palihpaw nynh a sydepaw te a chihpaw thua khyh, amaw ccinaw la hoi typaw la thua keiccu nynh trua leipite phe a chi” cite kaw hoitu hae paw Palih hae nynh a ho hae.

American President Trump nynh zemah ‘Palih hae nynh hynhte a ci hae paw hynh myarya do hooy khyh, kae mah ka ry khyh” cite Friday kya a ho.

Atu lya hynh state pakheih kya tuh sandah a pia vae hae. Sandah a pianaw hae kyaze inn hae balyn maee te rua hae zah store sain kalang tee biate uccaw balyn a rubia vae hae.

Te nynh, inkhawnin kya President Trump nynh hynhte bua a ho; “Sandah piatua hae paw nynh hynhte inn hae balyn maee soi biate a ci hae paw hynh ccungccaw hooy lei hae paw nynh a thua hae, ahobouze lungchungzei palih hae ka sawnua cih hae zah maethe te a kaw kho hae’ cite a ho.

Malan lonaw Monday kya Derick Chauvin tuh masaty lante byapia yn thua vae cih.

Khuazi na pou lan khyh oh cite accozah nynh aminth tho zemah, a poude hae keiccuze atu hynh sandah a pia hae paw milu (70) lae phe kyn vae hae.

#ZotungTubeChannel

Today: 1 Total: 213629
Facebook Comments


Spread the love
  •  
  •  
  •  
  •  
  •  

Most Popular

Vae ram hlawsahthya Popo tuh atunin thonginn kyate phe a lue vae

Vae rhawkaw nynh Kawkhyanaw alua hae keiccuze ryleinaw thawte a siakhaebuapaw hlawsahthya POPO tuh kynbua hae zah atunin October 28 nin kya phe yn...

Elon Musk nynh Twitter a re koute Twitter CEO paw te CFO paw tuh daethui lan a de hae.

Laephi vawlang kyaze a hoirum huaccepaw Elon Musk nynh Twitter tuh $44B te thohpae lan are vae.Inkhawnin ccaccung ninpalinin kya kuih singkuhnawpaw akua ccynkuhte...

Zotung ram ngaethyanaw thongpang; Oct 02, 2022

Paw Tin Za Ling tuh zekhanin Sep 28, 2022 nin Keko khua kya vae rhawkaw hae nynh phe a kyn hae.Amaw hynh Malaysia lan...

Falam siboipaw bang-ohkuh te amaw te amaw a chiaku

Chin Pyine Falam Myo kyaze siboi lepaw Dr. Tluang Cung Thang (kum 40) paw tuh atunin Sep 27, 2022 nin awkhua san kya amaw...

Recent Comments

Facebook Comments

Spread the love
  •  
  •  
  •  
  •  
  •