“Myarya hooypaw si lan yn thua cihpaw Covi-19 si tuh atu saw November thangdyn kya yn pou vae cih” cite Dr. Anthony Fauci nynh atunin Nov 1, 2020 nin kya a ho.
Hynh-e si hynh UK te American pykuh te ah rae hae paw Oxford University-AstraZeneca hae nynh a rae hae paw athua. “UK ram kyamah Christmas abiamaw kya pakheih si a kawkuh vae cih hae” cite Daily Maill News kya Fauci nynh bua a ho ki.
Oxford University te AstraZeneca nynh a raepaw si hynh September 13 nin kyaze nyathyanaw ccungccaw te syntawtua hae zah myarya ahooynaw te accungkianaw kha a muih hae. American accozah nynh Oxford University te AstraZeneca hae nynh pykuh te a raenaw hae kya $one million a bung hae paw nynh thua. 
ATu hynh American accozah nynh $400 million tawkuh vae hae zah UK nynh $100 million a tawkuh ty vae hae. BBC News kya- e paw, Andrew Marr te byakhialeihkunaw kyaze Anthony Cauci nynh “hynh-e si mang khonaw elang paw hynh President Trump kya kaw phe kae ngiakuh vae” cite a ci.
“Thuasalama ccungccaw miakaw kya mang khonaw elang tuh 2021 kum pepan kya nynh yn thua kho cih” cite a ho.
American ram kyaze masaty lante FDA nynh mang khonaw kaw a pya vaepaw si tuh “Remdesivir” nynh athua. Atu e “Oxford University te AstraZeneca” nynh a raepaw si hynh ccang (2) naw yn thua cihpaw nynh thua.
Si mang rae kho hae salama aening zaepi kalan rythyh te mang bua khonaw tuh 2021 kum pepan kya nynh oun mang khobua cih oh. Pynsaw lante raeringkuh thyapaw miakaw tuh thaw te beih raeringkuh kheih oh sih.
Ref: Daily Mail, The Mirror
#ZotungTubeChannel
