U Wirathu tuh atunin Nov 02, 2020 nin kya Yangon Dakong Palih sakhang kya amaw te amaw yn kynsahkuh hae.
U Wirathu hynh ahooy leipaw bya te accozah hae thua sah, myarya a nungsikuhpaw bya te Tuanaw ruanaw pyatu Daw Aung San Suu Kyi hae a dou keicuze accozah nynh kyn lan cite warang a tho hae hae paw nynh thua. 
Warang tho hae zah kynkuh leite kum (1) lae a ccue paw nynh athua. Atunin Palih zung kalan yn kynsahkuh hae paw hynh vae ram uhnaw khylan pokunaw adaedyn ze yn kynsahkuh hae paw nynh thua.
U Wirathu nynh tuanaw ruanaw pyatu Daw Aung San Suu Kyi hynh bya hooy leipaw myarya nungsikuhpaw thuzuanung (ဖါသည္မ) cite ryacia a hopaw nynh thua.
Abang ccungccaw hae nynh tuh rawkaw hae nynh zya a thuru hae cite a ho he hae. Rawkaw hae nynh zya a thuru hae keiccu nynh hynhse NLD accozah nynh kyn kho leite a um hae cite a ho he hae. A rekuh lya mah video te accozah dounawpaw bya pei leih a ho he.TUhcih mawte kyn kho khyh hae.
Palih zung kya bya a hosyapaw tuh “vae ram pynpi kya e phungki hae nynh minphuin te ram hanlan khynnaw elang a lah kho hae paw Party hae kha mee na pya cih oh” cite a tawsya hae. NLD accozah a dounawpaw alansahkuhpaw thua zah USDP Party thaw a pyanawpaw nynh athua.
U Wirathu hynh Phungki lu kheit athua zemah phungki ozia hawte thua leite ahooy leipaw bya te pei accozah pei a dou keiccuze mihmaw Buhdah hae nynh zemah a rylei hae paw nynh athua.
Atu lya ram uknaw pokuh dyn ze yn kynsahkuh hae paw hynh tua lanpaw ccangkheit a ung cite ngain-ngain-zei ccama hae nynh a ho hae.
#ZotungTubeChannel
