USA Atlanta Georgia State kya umpaw, Paaw Raw Thawng tuh atunin Sep 13, 2020 khuazi 10:30pm pepan kya sizung kyate a hiinnaw phe thang vae cite thongpang thae lan um zah ngaethya lan myarya um.
Amaw hynh atu e ccinaw thawpaw thuapaw Covid-19 ccinaw te a hiinnaw a thangpaw nynh thua. Atakaw lyaze bung ccinaw te a ccih bang vaepaw thua zah atu e ccinaw thawpaw nynh ranouh a thuanua keiccuze a hiinnaw tuh phe thang bia.
A kum hynh kum (70) cih vaepaw nynh thua. Georgia North side Hospital Gwinnett kyate a pynsaw a thangpaw nynh thua.
A zu a ccaaw hae tuh ah vae ram, Kalay Myo kya a umbua hae paw nynh thua. Amaw a makhae te USA kya kum 6-7 lokaw a um vae paw nynh thua.
A cciataw hae paw a innbyn hae hanlan sawsang te bungbua oh sih.
#ZotungTubeChannel
