Iowa state Waterloo Myo kya ungpaw Paaw Tu Kha Maung tuh July 10, 2020 nin kya USA phua $500,000 (ccing 5) Check a pawh cite thongpang thae lan ung zah lungtua khae lan kou ung.
Amaw a khua tuh Sesii paw thua zah a kum (29) cih vaepaw nynh thua. Ccapaw zemah lu ning a sah vaepaw nynh thua. Atu e check a thopaw hynh “Iowa Lottery Power Ball kya a thopaw nynh thua cite ny lan ung. 
Check a muenawpaw akonglang tuh, a thopaw check number ccaccing tuh $500,00 (thung sungpangaw) me a muepaw nynh thua, thuasalama Power Play te a thopaw athua keiccuze $500,000 (ccing pangaw) a mue nawpaw athua. Amaw ryte ccungccaw lu (3) hae tuh ccing pangaw cci te a mue hae. Tuh-e lu ning hae tuh New Jersey ungpaw te Puerto Rico ungpaw nyh thua hae.
Paaw Kha Tu Maung nynh a thonaw store min tuh Guddi Mart thua zah 306 Byron Ave Waterloo Myo kya nynh thua. Te, Iowa Lottery Company hae nynh zemah Store sain hae mah ccing pangaw me check a zua kho hae keiccuze bonus lante $500 a pyabua cih hae cite a ho hae. 
Atu hawte ah Zotung minphuin lu kheit nynh USA Dollar ccing pangaw a mue khopaw elang lungtua khae lan myarya maw ung. Mih innbyn kya Bawipaw nynh hythua a pyade hae paw nynh thua.
ZotungTubeChannel
